Ka përfunduar sot punimet dy ditore Konferenca Shkencore “Xhamia te shqiptarët – histori, mision, identitet”, e cila u organizua nga Kryesia e Bashkësisë Islame të Kosovës dhe Instituti për Hulumtime dhe Studime Islame.
Në përfundim të kësaj Konference mori pjesë edhe kryetari i Bashkësisë Islame të Kosovës, Myftiu Naim ef. Tërnava, i cili vlerësoi lart punën dhe angazhimin e studiuesve pjesëmarrës në këtë Konferencë. Ai përgëzoi Institutin për Hulumtime dhe Studime Islame për organizimin e kësaj Konference, duke motivuar kështu për punë të tilla madhore edhe në të ardhmen.
Gjatë këtyre dy ditëve, në këtë Konferencë morën pjesë mbi 70 studiues nga Kosova, Shqipëria, Maqedonia e Veriut, Mali i Zi, Turqia, Bosnja dhe Hercegovina dhe Egjipti.
Burimi: https://bislame.net/perfundoi-punimet-konferenca-xhamia-te-shqiptaret-histori-mision-identitet/