Në prag të muajit të bekuar të Ramazanit, Myftinia Pukë organizoi sot seminarin me titull: “Miresevjen Ramazan!” Seminari u hap me lexim te Kur’anit nga medresisti Arlind Mustafa.
Moderatori i seminarit Ylli Hadroj pasi bëri të ditur qellimin e këtij aktiviteti ftoj Myftiun e Pukës Gezim Kopani për të mbajtur fjalen përshëndetëse. Myftiu i Pukës Gezim Kopani ndër të tjera tha: “…Në prag të këtij muaji të rahmetit, çdo mysliman duhet të pergatitet që ti afrohet Allahut të Madheruar me agjerim, namaze dhe sadaka. Allahut thotë ne Kur’an “karibun” “jam afer” atij që më lutet Mua, jam afer atij që agjeron për Mua, prandaj ky muaj është muaji i mundesisë për tju afruar Allahut xh.sh. Të lutemi sëbashku në këtë muaj. Muaji Ramazan është dhënë nga Allahu si dhurat për myslimanët. Ky është muaji ku ne mund të braktisim veprat negative. Të braktisim alkolin, duhanin, bixhozin.” Në fjalen e tij n/Kryetari i Komunitetit Mysliman të Shqipërisë Bujar Spahiu ndër të tjera tha: “Muaji Ramazan është muaji i devotshmërisë, është muaji i durimit dhe i sakrifices. Ky është muaji që duhet ti bindemi zotit, dhe duke i besuar Zotit fitojme dashurin e respektin për njeri-tjetrin dhe të gjitha këto vine nga muaji i Ramazanit.” Mbi vlerat që mbart muaji i bekuar i Ramazanit mbajti kumtese drejtori i Burimeve Njerëzore pranë Komunitetit Mysliman te Shqiperise Dorjan Demetja dhe imami i Xhamisë së Parrucës Shkoder Naim Drijaj. Ne fund të aktivitetit u shperndan imsakije dhe broshura të ndryshme që flasin mbi muajin e bekuar të Ramazanit.
Puke me: 26 qershor 2014
