Nisur nga numri i lartë i kërkesave për regjistrim dhe pamundësia e besimtarëve që vijnë nga jashtë shtetit për të kapur afatet e përcaktuara më parë, Zyra e Haxhit dhe Umres në Komunitetin Mysliman të Shqipërisë, ka vendosur të shtyjë afatin e regjistrimeve deri më 23 janar 2025.Ky ndryshim i afatit vjen me synimin për t’u mundësuar të gjithë besimtarëve të kenë mundësi të plotë për t’u regjistruar dhe për t’u përgatitur siç duhet për këtë ritual të shenjtë.
Ftojmë të gjithë ata që dëshirojnë të kryejnë Haxhin ta shfrytëzojnë këtë mundësi.
Ju mirëpresim çdo ditë në zyrën e Haxhit dhe Umres në KMSH, nga e hëna në të premte, nga ora 09:00 deri në orën 16:00, të kryejmë së bashku të gjitha procedurat e nevojshme.