1 Shkurti, Dita Botërore e Hixhabit
Sot është Dita Botërore e Hixhabit. Ngjarja, që do të mbahet për të dytin vit radhazi, për herë të parë u sugjerua nga një grua në Nju Jork, Nazma Khan, si pjesë e një përpjekje për të nxitur të kuptuarit e drejtë dhe për të eliminuar polemikat përreth hixhabit. E gjithë lëvizja është organizuar duke përdorur faqet e rrjeteve sociale dhe faqen zyrtare të Ditës Botërore të Hixhabit. Ajo ka tërhequr interesin e shumë myslimanëve dhe jo-myslimanëve në më shumë se 100 vende të botës.
