Nën një atmosfere të mrekullueshme festive u zhvillua ceremonia e inagurimit të xhamisë së fshatit Qerret Pukë. Ceremonia e inagurimit u hap me Hymnin Kombëtar për të vijuar më pas pjese Kur’anore si dhe një pjesë hyrse nga nxënësit e mejtepit të xhamisë Qerret.
Në këtë ceremoni nderuan me pjesmarrjen e tyre N/Kryetari i Komunitetit Mysliman të Shqipërise Bujar Spahiu, N/Kryetari i Kuvendit të Shqipërise Shpetim Idrizi, Përfaqësues të Bashkësisë Islame të Republikës së Kosovës Bahri Sejdiu dhe Kasim Kerguri, Myftiu i Tiranës Ylli Gurra, Myftiu i Malsisë së Madhe Edmir Smalaj, Myftiu i Lezhës Agim Terziu, Kreu i shoqatës Istanbul Ridvan Seferaj, Kreu i fondacionit Mirësia Korab Kaja, Kreu i Bashkisë Pukë Gjon Gjonaj, Imam nga qytet e Shqipërisë, Kosovës dhe Maqedonisë.
Myftiu i Pukës Gëzim Kopani pasi falenderoi Zotin, të pranishmit për pjesmarrjen falenderoj donatorin e kësaj xhamie të nderuar Sait Fishta për këtë mrekulli që sot është ngritur në këmb në fshatin Qerret. Kjo faltore e Allahut do shpërndaj paqen, dashurin. Ka dasht Allahut xh,sh që Sait Fishtës tia hap zemren për ndërtimin e kësaj Xhamia. Allahu xh.sh ia shperbleftë me xhennet.. Kjo ditë është e ditë feste e gëzimi për të gjithë besimtarët mysliman të fshatit Qerret por edhe më gjërë.
Më pas aktivitetin e përshendeti N/Kryetari i Komunitetit Mysliman të Shqipërisë Bujar Spahiu në emer të KMSh dhe krutarit H.Skender Bruçaj “…kam nderin tju percjell në këtë ditë gëzimi, në këtë ditë inagaurimi urimet më të mira për këtë vatër të kulutures dhe dijes.Begatit me të medha janë objektet e kultit. “
Në emer të Bashkësisë Islame të Kosovës dhe në emër te Myftiut Naim Ternava përfshendeti Bahriu Sejdiu i cili ndër të tjera tha: “Ky është një siharic për besimtarët, për ato që do ta zbukurojne këtë xhami me paqe , me harmoni, tolerance. Lus Allahun xh,sh që ta shpërblej donatorin e kësaj xhamie.”
Aktivitetin e përshendeti kreu i Bashkisë Pukë Gjon Gjonaj i cili tha: “Eshtë kënaqesi që marr pjesë në inagurimin e kësaj shtepie të Zotit. Zoti deshi dhe sjelli një donator si Sait Fishta që bëri realitet këtë objekt.”
Aktivitetin e përshendeti Myftiu i Tiranës Ylli Gurra, Myftiu i Malsisë së Madhe Edmir Smalaj, Myftiu i Lezhës Agim Terziu, Kreu i Shoqatës Istanbul Ridvan Seferaj dhe kreu i Fondacionit Mirësia Korab Kaja, Imam nga Shqipëria, Kosova dhe Maqedonia.
Në fjalen e tij Sait Fishta tha: “Falenderoj Zotin që më bani mua shkak për ndërtimin e kësaj xhamie. Uroj fshatin Qarret ta gezojne këtë xhami edhe inshalla sa me shume besimtar uroj të këtë ky vend.”
Ceremonia ishte e gershetuar me interpretime të ndryshme si dhe ilahi.
Në fund N/Kryetari i Komunitetit Mysliman të Shqipërisë Bujar Spahiu, N/Kryetari i Kuvendit të Republikës së Shqipërisë Shpetim Idrizi, Sait Fishta dhe Bahri Sejdiu bënë prerjen e shiritit të inagurimit të xhamisë së fshatit Qerret.
Aktiviteti u mbyll me faljen e namazit të drekës që e drejtoi n/Kryetari i Komunitetit Mysliman të Shqipërisë Bujar Spahiu.
Qerret-Pukë; 21 maj 2017
